Shikshk Bharti Pavitra Portal

Shikshk Bharti Pavitra Portal 

दिनांक १४/०५/२०२४

शिक्षक पद भरतीबाबत प्रसिद्धीपत्रक

राज्यातील विधान परिषदेच्या कोकण विभागातील शिक्षक व पदवीधर तसेच नाशिक विभागातील शिक्षक मतदार संघातील निवडणुकीचा कार्यक्रम दिनांक ०८/०५/२०२४ रोजी प्रसिद्ध झाला होता व तात्काळ आदर्श आचारसंहिता लागू झाली होती त्यातून शिक्षक पदभरती साठी सूट देण्यासाठी शासनाकडे दिनांक १०/०५/२०२४ रोजी प्रस्ताव सादर करण्यात आला होता.

दरम्यान सदर निवडणुकीचा कार्यक्रम पुढे ढकलण्यात आला आहे असे भारत निर्वाचन आयोगाकडील दिनांक १४/०५/२०२४ रोजीच्या प्रेस नोट मध्ये नमूद करण्यात आले आहे. त्यामुळे विधान परिषद निवडणूक संबंधी आदर्श आचारसंहितेचा अंमल आता लागू राहणार नाही.

त्यामुळे शिक्षक नियुक्ती संदर्भातील यापूर्वी दिलेल्या सूचनाप्रमाणे तातडीने कार्यवाही सुरू करण्याच्या सूचना सर्व शिक्षणाधिकारी व अन्य स्थानिक स्वराज्य संस्थांना देण्यात आल्या आहेत. या संदर्भात सर्व शिक्षणाधिकारी यांना स्प्रेडशीटद्वारे (Google Sheet) माहिती संकलित करण्याच्या सूचना देण्यात आल्या असून याचा आढावा एक आठवड्यात आयुक्त स्तरावरून घेतला जाणार आहे.

शिक्षक भरती गतीने व्हावी या दृष्टीने वेळोवेळी आढावा घेण्यात येत असून या संदर्भात राज्यस्तरावरून दिनांक १०/०५/२०२४ रोजी सर्व शिक्षणाधिकारी यांची आढावा बैठक घेण्यात आली होती. त्यामध्ये काही जिल्ह्यांनी त्यांच्याकडील जिल्हांतर्गत बदली प्रक्रियेबाबत अडचणी उपस्थित केल्या होत्या. त्या सोडविण्यासाठी शासनाकडे

अडचणींबाबत करावयाच्या संभाव्य उपाययोजनांचा प्रस्ताव पाठवण्यात येत आहे. संपूर्ण भरती प्रक्रिया पूर्ण करण्याच्या दृष्टीने शासन प्रशासन स्तरावरून अनेक अंतर्गत प्रक्रिया सुरू आहेत. त्याबाबत ठळक निष्पत्ती घडेल त्या त्या प्रमाणे बुलेटीन निर्गमित केले जात आहे.

अभियोग्यताधारकांमध्ये संभ्रम अथवा निराशा निर्माण होईल असे काल्पनिक वेगवेगळे मुद्दे काही मंडळी रोज उपस्थित करीत असल्याचे निदर्शनास येत आहे. भरती प्रक्रिया न्याय्य व कोणत्याही खोडसाळपणाला थारा न देता पूर्ण करण्यात येत आहे. त्यामुळे संभ्रम अथवा निराशा पसरवणाऱ्या प्रवृत्तींपासून सावध राहावे.

ज्यावेळी महत्त्वाच्या घटना घडतील त्या त्यावेळी बुलेटिन द्वारे माहिती दिली जाईल.

हे ही वाचा -

👇

दिनांक २६/०४/२०२४

शिक्षक पद भरतीबाबत प्रसिद्धीपत्रक

शिक्षक भरती २०१७ साठी सन २०१९ मध्ये जाहिरात दिलेल्या पैकी ज्या जिल्हा परिषदेच्या ५०% रिक्त पद भरतीची कार्यवाही झाली आहे त्या पदभरतीच्या वेळी राखून ठेवण्यात आलेल्या ५० % जागाबाबत शासनाकडे पुढील प्रक्रिया करण्यास आवश्यक प्रस्ताव व माहिती सादर करण्यात आली आहे. यावर शासन स्तरावरून निर्णय झाल्यानंतर पुढील प्रक्रिया करण्यात येईल.

अभियोग्यताधारकांमध्ये संभ्रम अथवा निराशा निर्माण होईल असे काल्पनिक मुद्दे काही मंडळी रोज उपस्थित करीत असल्याचे निदर्शनास येत आहे. भरती प्रक्रिया न्याय्य व कोणत्याही खोडसाळपणाला थारा न देता पूर्ण करण्यात येत आहे. त्यामुळे संभ्रम अथवा निराशा पसरवणाऱ्या प्रवृत्तींपासून सावध राहावे.

ज्यावेळी महत्त्वाच्या घटना घडतील त्या त्यावेळी बुलेटिन द्वारे माहिती दिली जाईल.

दिनांक २५/०४/२०२४

शिक्षक पद भरतीबाबत प्रसिद्धीपत्रक

दिनांक २५/०२/२०२४ रोजी जाहीर करण्यात आलेल्या निवड यादीतील अभियोग्यताधारकांना यथाशीघ्र नियुक्ती आदेश देण्याच्या संदर्भात मा. केंद्रीय निवडणूक आयोग यांनी प्रत्यक्ष मतदान झालेल्या ठिकाणातील नियुक्तीबाबत कार्यवाही करण्यास दिलेली परवानगी विचारात घेता, मा प्रधान सचिव, ग्राम विकास विभाग यांना विनंती करण्यात आली असून त्याप्रमाणे सर्व संबंधित मुख्य कार्यकारी अधिकारी जिल्हा परिषद यांना त्यांचेकडून निर्देश दिले जात आहेत.

पहिल्या फेरीतील कार्यवाही सुरू असतानाच पुढील निवड फेरी घेण्याच्या दृष्टीने सर्व नियमांचे पालन करून प्रशासकीय प्रक्रिया करण्यात येत आहे. पुढील फेरीमधील माजी सैनिक, प्रकल्पग्रस्त, भूकंपग्रस्त व तत्समपदातील वेगवेगळ्या घटकांच्या मागण्या विचारात घेता समन्यायी पद्धतीने व शासन निर्णयातील सूचनांचे योग्य ते पालन करून कार्यवाही भविष्यात कोणतीही न्यायालयीन गुंतागुंत होऊ नये याची योग्य ती दक्षता घेऊन करण्यात येत आहे. या सर्व बाबी विचारात घेऊन पुढील निवड फेरी सुद्धा लवकरात लवकर घेण्याच्या दृष्टीने प्रयत्न करण्यात येत आहेत.

सन २०१७ भरती मधील दिनांक २९/११/२०२३ रोजी प्रसिद्ध झालेल्या यादीबाबत न्यायालयीन प्रकरणांमधील स्थागनादेश उठवणेच्या दृष्टीने सिविल एप्लीकेशन दाखल करण्यासंदर्भात शासकीय अभियोग्यता यांना विनंती करण्यात आली असून त्याबाबतची न्यायालयीन प्रक्रिया पार पाडण्यात येत आहे.

उर्वरित भरती प्रक्रिया तसेच भरती प्रक्रियेतील अन्य अडचणी दूर करण्याचा प्रयत्न प्रशासनाकडून सतत केला जात आहे.

या भरती प्रक्रियेमध्ये सुरुवातीपासूनच काही मंडळी कोणतीही अधिकृत माहिती नसताना तसेच प्रशासकीय कार्यपद्धती, निर्णय प्रक्रिया अथवा नियम याची जुजबी माहिती सुद्धा नसताना स्वतःच्या मनाने काही संभ्रम निर्माण करण्याचा प्रयत्न करीत असल्याचे दिसून येत आहे. त्यांचे पासून सावध राहावे.

ज्यावेळी महत्त्वाच्या घटना घडतील त्या त्यावेळी बुलेटिन द्वारे माहिती दिली जाईल.

हे ही वाचा -

👇

दिनांक १९/०४/२०२४

शिक्षक पद भरतीबाबत प्रसिद्धीपत्रक

पवित्र पोर्टल मार्फत दिनांक २५/०२/२०२४ रोजी गुणवत्तेनुसार पात्र उमेदवारांची निवडीसाठी शिफारस असलेली सर्वसाधारण गुणवत्ता यादी व्यवस्थापन/जाहिरातनिहाय प्रसिद्ध करण्यात आलेल्या आहेत.

त्यानुसार पात्र उमेदवारांची कागदपत्र पडताळणी करून समुपदेशनाद्वारे नियुक्ती प्रक्रिया त्या त्या नियुक्ती प्राधिकारी स्तरावर सुरु करण्यात आली होती.

दरम्यान मा. भारत निवडणूक आयोग यांनी लोकसभा- २०२४ निवडणुकीचा कार्यक्रम घोषित केला व आदर्श आचारसंहिता लागू करण्यात आली. आचारसंहिता कालावधीत नियुक्ती संदर्भातील कार्यवाहीवर निर्बंध आले.

तथापि, या विषयाची तातडी तसेच न्यायालयीन आदेश विचारात घेता नियुक्ती प्रक्रिया सुरु ठेवण्यास परवानगी मिळण्यासाठी या कार्यालयाने शासनामार्फत मा. भारत निवडणूक आयोग यांच्याकडे प्रस्ताव सादर केला.

यासंदर्भात मा. भारत निवडणूक आयोग यांनी नियुक्तीस शिफारस झालेल्या ठिकाणाची मतदान प्रक्रिया पूर्ण झाल्यानंतर नियुक्ती संदर्भात कार्यवाही करणेस परवानगी दिली असून तसे शासन पत्र दिनांक १९/०४/२०२४ अन्वये या

कार्यालयास कळवणेत आले आहे.

त्यानुसार वरील प्रमाणे कार्यवाही करण्याबाबत नियुक्ती प्राधिकारी यांना निर्देश देण्यात आले आहेत.

दिनांक ०५/०४/२०२४

शिक्षक पदभरतीबाबत प्रसिद्धीपत्रक

• शिक्षक अभियोग्यता व बुद्धिमत्ता चाचणी २०२२ नुसार शिक्षक पदभरतीची पहिली शिफारस यादी - दिनांक २५/०२/२०२४ रोजी प्रसिद्ध करण्यात आली. उमेदवारांची शिफारस यादी प्रसिद्ध केल्यानंतर ज्या उमेदवारांना स्वतःच्या निवडीबाबत काही शंका असल्यास, त्याबाबत तक्रार निवारण व दुरुस्ती समितीकडे तक्रार/निवेदन करण्याची सुविधा देण्यात आली होती. अधिकृत ईमेल आयडीवर विहित नमुन्यात प्राप्त अर्जाची छाननी जवळपास पूर्ण झाली आहे,

• दिनांक ०४/०४/२०२४ अखेर विहित नमुन्यात प्राप्त तक्रार अर्जावर कार्यवाही करून उमेदवारांच्या ईमेलवर समितीचा निर्णय दिनांक ०२/०४/२०२४ पासून कळविण्यात येत आहे. दिनांक ०४/०४/२०२४ अखेर पर्यंत निर्णय कळविलेल्या अर्जाची संख्या ४५३ इतकी आहे. तसेच अन्य ईमेलवर वेळोवेळी योग्य तो प्रतिसाद देण्यात आला आहे.

• उर्वरित तक्रार अर्जावर पुढील काही दिवसांत समितीचा निर्णय कळविण्यात येणार आहे.

लोकसभा २०२४ च्या निवडणुकीची आदर्श आचारसंहिता सध्या लागू आहे. यास्तव निवडणूक आयोगाकडून शिक्षक पदभरतीबाबत परवानगी प्राप्त झाल्यानंतर पुढील कार्यवाही करण्यात येईल.

महत्त्वाच्या बाबींची माहिती "न्यूज बुलेटीन" द्वारे आवश्यकतेनुसार प्रसारित केली जाईल.

हे ही वाचा -

दिनांक १४/०३/२०२४

शिक्षक पदभरतीबाबत प्रसिद्धीपत्रक

पवित्र पोर्टल द्वारे दिनांक २५.२.२०२४ रोजी घोषित करण्यात आलेल्या निवड यादीसंदर्भात याचिका मा. उच्च न्यायालय मुंबई व मा. खंडपीठ औरंगाबाद येथे दाखल झालेल्या आहेत.

या संदर्भात मा. उच्च न्यायालय, खंडपीठ औरंगाबाद येथे झालेल्या युक्तिवादाअंती मा. उच्च न्यायालयाने अंतरिम आदेश देऊन ही भरती प्रक्रिया पुढे सुरू ठेवण्याबाबत निर्देश केले आहेत. (प्राप्त दि. १२ मार्च २०२४)

न्यायालयीन निर्देश व शासन निर्देश यानुसार पुढील कार्यवाही होईल.

तक्रार निवारण व दुरुस्ती समितीकडे प्राप्त तक्रार अर्जाची छाननी करून यथोचित निर्णय संबंधितांना कळविण्यात येत आहेत.

तक्रार निवारण किंवा अन्य मुद्द्यासंदर्भात नेमून दिलेल्या ई-मेल ऍड्रेस चाच वापर करावा.

माननीय न्यायालयाचे आदेश पीडीएफ मध्ये डाऊनलोड करण्यासाठी फक्त या ओळीला स्पर्श करा

दिनांक २८/०२/२०२४

शिक्षक पदभरतीबाबत प्रसिद्धीपत्रक

• मुलाखतीशिवाय पदभरतीच्या दिनांक २५/०२/२०२४ रोजी प्रसिद्ध केलेल्या या निवड यादीमध्ये आरक्षित प्रवर्गातील अनेक अभियोग्यताधारक खुल्या प्रवर्गातून निवडले गेलेले आहेत. ज्या अभियोग्यताधारकांनी निवडीच्या कोणत्याही टप्प्यावर आरक्षणाच्या सवलतींचा लाभ घेतला आहे ते त्यांच्या त्यांच्या आरक्षित प्रवर्गातून निवडले गेलेले आहेत. त्यामुळे दोन्हीकडे आरक्षित प्रवर्गातील अभियोग्यताधारकांना त्यांच्या गुण व अर्हता याचा एकत्रित विचार करून सामावून घेण्यात आलेले असल्याने कोणत्याही आरक्षित प्रवर्गावर अन्याय झालेला नाही.

• खुल्या प्रवर्गातून निवडले जात असताना संबंधित अभियोग्यताधारकाने आरक्षणाच्या कोणत्याही सवलतीचा लाभ घेतलेला असणे अनुज्ञेय नसल्याचा निर्वाळा मा सर्वोच्च न्यायालयाने स्पष्टपणे दिलेला आहे. याबाबत केंद्र शासनाचे व राज्य शासनाचे ही धोरण तेच आहे. याबाबी विचारात घेऊन संपूर्ण प्रक्रिया केली आहे.

• आरक्षणाच्या सवलतीचा लाभ घेतलेले आणि आरक्षणाचा लाभ न घेतलेले यापैकी आरक्षणाचा लाभ न घेतलेल्या उमेदवारांचा वरील न्यायनिवाडे व शासन धोरणानुसार खुल्या प्रवर्गातून निवडीचाअ धिकार आहे हे पुनरुदृत करण्यात येत आहे.

• निवड यादी चे अवलोकन केले असता आरक्षित प्रवर्गातील पात्र अभियोग्यताधारकांचा खुल्या प्रवर्गात झालेला समावेश लक्षणीय असल्याचे दिसून येईल.

हे ही वाचा 👇

दिनांक २७/०२/२०२४

शिक्षक पदभरतीबाबत प्रसिद्धीपत्रक

• शिक्षक पदभरतीच्या पहिल्या टप्यातील मुलाखतीशिवाय पदभरती याप्रकारातील सर्व प्रक्रिया नियमबद्ध पद्धतीने पूर्ण केली आहे व अभियोग्यताधारकांना त्यांच्या अनुज्ञतेनुसार योग्य त्या निवड यादीत समाविष्ट केले गेले आहे. तरी देखील यासंदर्भात अभियोग्यताधारकांची काही वेगळी धारणा असल्यास त्याबाबत तक्रार निवारण व दुरुस्ती समितीकडे edupavitra2022@gmail.com या ई-मेलवर तक्रार अर्ज सादर करता येईल. त्याचा नमुना विहित करण्यात आला असून News Bulletin मध्ये उपलब्ध करून देण्यात आला आहे. त्या नमुन्यात आपला अर्ज त्यास याबाबत अधिकृत माहिती जाणून घेता येईल. केवळ या ईमेल ऍड्रेस चाच वापर करावा. त्या ईमेल ऍड्रेसवर कोणीही ग्रुप मेल अथवा अन्य ईमेल पाठवू नयेत. तसेच कोणत्याही अधिकाऱ्यांच्या व्यक्तिगत व्हॉटसअप अथवा मोबाईलवर या संदर्भात संपर्क करू नये.

शिक्षक भरती संदर्भात व पवित्र पोर्टलचे अपडेट प्राप्त करण्यासाठी आपल्यासाठी तयार करण्यात आलेल्या समूहात सामील होऊ शकता

• जिल्हा परिषदेकडील बिंदुनामावली तपासल्यानंतर प्राप्त तक्रारीच्या अनुषंगाने पडताळणी करुन भरण्यासाठी शिल्लक ठेवलेल्या १० टक्के जागांबाबत संबंधित जिल्हयांकडून अहवाल घेण्यात येत आहेत, काही जिल्हयाचा अहवाल अप्राप्त आहे त्यांचा अहवाल प्राप्त झाल्यानंतर उर्वरित रिक्त १० टक्के जागांबाबत यथोचित निर्णय घेण्यात येईल.

• अनुसूचित जमातीच्या पेसा क्षेत्रातील १३ जिल्हयातील रिक्त जागांबाबत उमेदवारांच्या कागदपत्राची पडताळणी यापुर्वीच पूर्ण झाली आहे. परंतु मा. सर्वोच्च न्यायालय, नवी दिल्ली येथे विशेष अनुज्ञा याचिका दाखल असल्याने पेसा क्षेत्रातील रिक्त पदांची पदभरती पूर्ण करता आलेली नाही. त्यामुळे पेसा क्षेत्रातील अनुसूचित जमाती प्रवर्गातील उमेदवारांना निवड झाल्यानंतर नवीन पदांवर रूजू होता येईल तसेच पेसा क्षेत्राबाबत मा. न्यायालयाचा निर्णय आल्यानंतर त्या जागाबाबत योग्य ती कार्यवाही करण्यात येईल. यास्तव अनुसूचित जमाती प्रवर्गात नव्याने निवड झालेल्या उमेदवारांनी आपल्या कागदपत्राची पडताळणी संबंधित जिल्हयाकडे उपस्थित राहन करून घ्यावी.

• भाषा विषय-इंग्रजी साठी निवडलेल्या या शिक्षकांना त्यांचे विषय शिकवावयाचे आहेत. उर्दू माध्यमाची गरज असेल तेव्हा शाळेत उर्दू शिक्षक उपलब्ध आहेतच. केवळ एक शिक्षक अन्य माध्यमातील असणार आहे यामुळे विद्यार्थ्यांना अन्य भाषिक शिक्षक देखील उपलब्ध होतोय, त्यामुळे भाषा विषय अथवा सेमी इंग्रजी यासाठी वेगळा विचार करण्याची गरज नाही.

• साधन व्यक्ती या पदासाठी शासन पत्र दिनांक २५/०१/२०२४ नुसार संचालक, राज्य शैक्षणिक संशोधन व प्रशिक्षण परिषद, महाराष्ट्र यांचेस्तरावर समिती गठीत करण्यात आली आहे. समितीचा अहवाल प्राप्त झाल्यानंतर पुढील यथोचित निर्णय घेण्यात येईल.

• याभरतीमध्ये रिक्त राहिलेली पदे (माजी सैनिक, अंशकालीन इ.) याबाबत पडताळणी करून योग्य तो निर्णय घेतला जाईल. तसेच नव्याने जेव्हा जाहिराती येतील तेथून पुढे टप्पा-२ मधील जाहिराती असतील.

• शासन निर्णय दिनांक १०/११/२०२२ मधील तरतुदीनुसार नव्याने जाहिरात घेण्याबाबत योग्य वेळी पोर्टलवर सूचना देण्यात येतील. पुढील नव्याने शिक्षक अभियोग्यता व बुद्धिमत्ता चाचणी होईपर्यंत येणाऱ्या जाहिरातीसाठी चालू चाचणीतील उमेदवार पात्र असतील.

Also Read 👇

Also Read 👇

पवित्र पोर्टल शिक्षक भरती सठी लागणारे कागदपत्रे खालील प्रमाणे

टिप :- पात्र उमेदवारांनी पुढिलप्रमाणे मूळ कागदपत्रे पडताळणीसाठी उपल्बध करून दयावी व एक संच झेरॉक्स आपल्या पासपोर्ट साईज फोटोसह सादर करणे आवश्यक राहील.

चेक लिस्ट

कागदपत्रांचा तपशिल

- पवित्र प्रणाली अंतर्गत नोंदणी केलेल्या स्व प्रमाणपत्राची प्रत (Certified copy) मूळ प्रत फोटोस्वाक्षरीसह शैक्षणिक अर्हता

एस.एस.सी. गुणपत्रक (दि.१२/०२/२०२३ पूर्वीचे)

एस.एस.सी. प्रमाणपत्र (दि.१२/०२/२०२३ पूर्वीचे)

एच.एस.सी. गुणपत्रक (दि.१२/०२/२०२३ पूर्वीचे)

एच.एस.सी. प्रमाणपत्र (दि.१२/०२/२०२३ पूर्वीचे)

पदवी परीक्षा गुणपत्रक (संबधित विषयात किमान ५०% गुर्णासह उतीर्ण)

पदवी परीक्षा प्रमाणपत्र ( दि.१२/०२/२०२३ पूर्वीचे)

पदव्युत्तर परिक्षा गुणपत्रक ( दि.१२/०२/२०२३ पूर्वीचे)

पदव्युत्तर परिक्षा प्रमाणपत्रक ( दि.१२/०२/२०२३ पूर्वीचे)

व्यावसायीक अर्हता१२/०२/२०२३ पूर्वीची

| शिक्षणशास्त्र पदविकागुणपत्रक D.ed/D.L.Ed/D.T.Ed/T.C.H.

● शिक्षणशास्त्र पदविकाप्रमाणपत्र D.ed/D.L.Ed/D.T.Ed/T.C.H.

शिक्षणशास्त्र पदवी गुणपन्नक B.Ed/B.Led/B.sc. Ed.

शिक्षणशास्त्र पदवी प्रमाणपत्र B.Ed/B.Led/B.sc.Ed.

एम.एस.सी. आय. टी. प्रमाणपत्र

शिक्षकपात्रता परीक्षापेपर-१ (T.E.T.) प्रमाणपत्र (इ.१ते ५वी)

केंद्रीय परिक्षा पात्रता परिक्षा पेपर-1 (CTET) प्रमाणपत्र (इ.१ते ५वी)

केंद्रीय परिक्षा पात्रता परिक्षा TET-२ (भाषा- कोणताही विषय उत्तीणं, गणित-गणित व विज्ञान पेपर उत्तीर्ण आवश्यक)

केंद्रीय परिक्षा पात्रता परिक्षा CTET-२ (भाषा- कोणताही विषय उत्तीर्ण, गणित-गणित व विज्ञान पेपर उत्तीर्ण आवश्यक)

२ अभियोग्यता व बुध्दिमत्ता चाचणी परीक्षा गुणपत्रक (T.A.I.T.) गुणपत्रक/यादी

इतर आवश्यककागदपत्र

जातीचे प्रमाणपत्र

जात वैधता प्रमाणपत्र (ST अनिवार्य आहे)

नॉन क्रिमीलेयर प्रमाणपत्र (SC,STवगळून)

लहान कुटुंब प्रतिज्ञापत्र

शाळा सोडल्याचा दाखला

जन्म प्रमाणपत्र (शालांत प्रमाणपत्र/शाळा सोडलेचा दाखला (दि.१६/१०/२०२३ रोजीचे वय)

महाराष्ट्रातील रहिवाशी असलेचा अधिवास दाखला (सोमा भागातील ८६५ गावातील असल्यास रहिवाशी दाखला)

आधारकार्ड / पासपोर्ट/पॅनकार्ड/ड्रायव्हींग लायसन्स

अपंगत्वाचा दाखला (संगणकीय प्रणाली नार्फत बितरीत प्रमाणपत्र) (किमान ४०% दिव्यांग)

माजी सैनिक दाखला

खेळाडू प्रमाणपत्र (विभागीय क्रिडा उपसंचालक यांचा पडताळणी अहवाल अथवा प्रस्ताव दाखला पोच पावती)

प्रकल्पग्रस्त दाखला

भूकंपग्रस्त दाखला

अनाथ प्रमाणपत्र

आत्महत्या त्रस्त शेतकरांचे पाल्य असल्याबाबतचे प्रमाणपत्र

१९९१ जनगणना/१९९४ निवडणुक कर्मचारी असल्याचे प्रमाणपत्र

अंशकालीन कर्मचारी प्रमाणपत्र (सक्षम प्राधिकारी तहसिलदार प्रमाणपत्र)

विवाहानंतर नावात बदल असल्यास राजपत्र

हमीपत्र (सादर केलेले दस्तऐवज वैद्य असलेबाबतचे हमीपत्र)

शिक्षणाधिकारी (प्राथमिक) रायगड जिल्हा परीषद, अलिबाग,

दिनांक २६/०२/२०२४

शिक्षक पदभरतीबाबत प्रसिद्धीपत्रक

• पवित्र पोर्टलमार्फत शिक्षक पदभरतीची कार्यवाही करण्यात येत आहे. पहिल्या टप्प्यातील मुलाखतीशिवाय पर्याय निवडलेल्या व्यवस्थापनातील निवडीसाठी शिफारस झालेल्या उमेदवारांची सर्वसाधारण गुणवत्ता यादी दिनांक २५/०२/२०२४ रोजी प्रसिद्ध करण्यात आली आहे.

• सर्व नियुक्ती प्राधिकारी यांना सविस्तर सूचना निर्गमित करण्यात आलेल्या आहेत, पुढील प्रक्रियेबाबत शिफारस झालेल्या अभियोग्यताधारक यांना त्याच्याकडून स्वतंत्रपणे कळविले जाईल त्यानुसार सर्व संबंधितांनी त्या त्या नियुक्ती प्राधिकारी यांच्या निर्देशाचे पालन करावे.

• व्यवस्थापननिहाय सर्वसाधारण गुणवत्ता यादी प्रसिद्ध करताना प्रक्रिया किचकट असल्याने उमेदवारांमध्ये संभ्रम निर्माण होवू नये यास्तव आरक्षणाचे कटऑफ व विषयाचे कटऑफ दोन्ही प्रकारचे कट ऑफ सर्वसाधारण गुणवत्ता यादीच्या सुरवातीस दर्शविण्यात आल्यामुळे उमेदवारांना त्यांची स्थिती पाहणे सुकर झाले आहे.

• सर्व प्रक्रिया नियमबद्ध पद्धतीने पूर्ण केली आहे व अभियोग्यताधारकांना त्यांच्या अनुज्ञतेनुसार योग्य त्या निवड यादीत समाविष्ट केले गेले आहे. तरी देखील यासंदर्भात अभियोग्यताधारकांची काही वेगळी धारणा असल्यास त्याबाबत तक्रार निवारण व दुरुस्ती समितीकडे ई-मेलवर विहित नमुन्यात (लवकरच पुरविला जाईल) अर्ज करून त्यास याबाबत अधिकृत माहिती जाणून घेता येईल. केवळ त्या ईमेल ऍड्रेस चाच वापर करावा. त्या ईमेल ऍड्रेसवर कोणीही ग्रुप मेल अथवा अन्य ईमेल पाठवू नयेत. तसेच कोणत्याही अधिका-यांच्या व्यक्तिगत व्हॉटसअप अथवा मोबाईलवर या संदर्भात संपर्क करू नये.

• खुल्या व विविध आरक्षित प्रवर्गातील वेगवेगळ्या कट ऑफ बाबत किंवा आरक्षित प्रवर्गाचा कटऑफ खुल्या पेक्षा काही ठिकाणी जास्त आल्या बाबत काही मंडळी प्रश्न उपस्थित करीत आहेत

• या संदर्भात पुढील प्रमाणे वस्तुस्थिती आहे. मा. सर्वोच्च न्यायालय, नवी दिल्ली येथे दाखल विशेष अनुज्ञा याचिका क्र. ११२५४/२०१९ मधील सिविल अर्ज क्र. ८२५९/२०१९ मध्ये दि. २४/१०/२०१९ रोजी दिलेल्या न्यायनिर्णयानुसार आरक्षित प्रवर्गातील उमेदवाराने अर्हता धारण करण्यामध्ये त्या त्या आरक्षित प्रवर्गासाठी असलेल्या शिथिलतेचा लाभ घेतला असल्यास असे उमेदवार अनारक्षित (खुला) प्रवर्गासाठी पात्र ठरत नाहीत.

• केंद्र शासनाच्या दि ०१/०७/१९९८ व दि. ०४/०४/२०१८ च्या ज्ञापनामध्ये देखील अशाप्रकारे सवलतीचा लाभ घेतला असल्यास खुल्या प्रवर्गासाठी विचारात न घेण्याची तसेच आरक्षित प्रवर्गातील उमेदवारांना आरक्षणाचा लाभ न घेता गुणवत्तेनुसार पात्र ठरल्यास खुल्या प्रवर्गासाठी विचारात घेण्याची तरतूद विहित आहे. राज्यशासनाच्या विविध प्रकारच्या उदा. तलाठी भरती ग्रामविकास विभागाकडील विविध पदांच्या पदभरतीमध्ये देखील आरक्षित प्रवर्गातील उमेदवार खुल्या प्रवर्गासाठी वयोमर्यादा व इतर शैक्षणिक व व्यावसायिक पात्रतेमध्ये सवलत न घेता गुणवत्तेनुसार निवडीस पात्र ठरत असेल तर खुल्या प्रवर्गातून अन्यथा त्या त्या प्रवर्गातून निवडीसाठी पात्र ठरविण्याची तरतूद आहे.या व अन्य 

    प्रचलित तरतुदी विचारात घेण्यात आल्या आहेत. या शिक्षकभरतीसाठी टीईटी ही अर्हता परीक्षा असल्याने त्या परीक्षेत जर सवलत घेऊन कोणी उत्तीर्ण झाले असेल तर जरी त्यांना टी ए आय टी या परीक्षेत जास्त गुण असले तरी सवलतीचा लाभ घेतल्यामुळे वरील विविध न्याय निवाडे व शासनाचे आदेशानुसार त्यांच्या त्यांच्या आरक्षित प्रवर्गात सामील केले गेलेले आहे. त्यामुळे कट ऑफ मध्ये हा फरक दिसतो परंतु तो पूर्णपणे विधीसंमत आहे.

• मराठी, उर्दू वा अन्य माध्यमांमध्ये इ.६ वी ते इ ८ ची/इ ९ वी ते १० वी/इ ११ ते इ १२ वी या गटातील भाषा विषयाच्या अभियोग्यताधारकाची शिफारस करताना शैक्षणिक अर्हतेतील त्याची पदवी/पदव्युत्तर पदवी ज्या विषयातून झाली आहे त्याच विषयासाठी गुणवत्तेनुसार शिफारस करण्यात आलेली आहे. त्यामुळे कोणत्याही माध्यमात संबंधित अभियोग्यताधारकांची निवड होवू शकते.

• मराठी, उर्दू वा अन्य माध्यमांमध्ये सेमी इंग्रजी साठी अभियोग्यताधारक यांची शिफारस करताना संबंधित अभियोग्यताधारक यांची व्यावसायिक अर्हता इंग्रजी माध्यमातील आवश्यक ही बाब विचारात घेवून करण्यात आलेली आहे. यास्तव कोणत्याही माध्यमात इंग्रजी माध्यमातून अध्यापन करण्यासाठी संबंधित अभियोग्यताधारकांची निवड होवू शकते.

• गुणवत्तेनुसार अभियोग्यताधारक यांचे निवडीच्या वेळी पात्रतेनुसार खुला वा स्वतःचे आरक्षण तसेच संबंधित विषयाचे पद उलपब्ध असेल तर अभियोग्यताधारक यांची शिफारस होते त्यामुळे काही विषयांच्या बाबतीत कटऑफ गुण कमी आल्याचे दिसत आहे.

• काही प्रवर्गाच्या बाबतीत जाहिरातीतील त्यांच्या प्रवर्गासाठी रिक्त असेलेल्या पदांपेक्षा अधिक पदांवर उमेदवारांची गुणवत्तेनुसार खुल्या प्रवर्गातून निवड झाल्याचे दिसून येत आहे.

• मुलाखतीशिवाय पदभरतीतील माजी सैनिक, अंशकालीन इत्यादी समांतर आरक्षणातील योग्य अभियोग्यताधारक उपलब्ध न झाल्याने त्यांच्या समांतर आरक्षणाची पदे रिक्त राहत असल्याचे दिसून येत आहे. समांतर आरक्षणाबाबत प्रचलित तरतूदी विचारात घेवून शासनाच्या मान्यतेनंतर यथोचित निर्णय घेण्यात येईल. मुलाखतीसह पदभरती पर्याय निवडलेल्या व्यवस्थापनांना मा. उच्च न्यायालय, खंडपीठ औरंगाबाद 

• येथील याचिका क्रमांक ७६२७/२०२३ मधील आदेशानुसार प्रचलित तरतूदी विचारात घेता १:१० या मर्यादेत मुलाखत व अध्यापन कौशल्यासाठी उमेदवार उपलब्ध करुन देण्याची कार्यवाही करण्यात येत आहे. वाचाबत वेळोवेळी अपडेट देण्यात येतील.

• वस्तुस्थितीची व्यवस्थीत माहिती न घेता अभियोग्यताधारकांना संभ्रमित करून याचिकांसाठी वर्गणी गोळा करणे हा एक आक्षेपार्ह प्रकार या भरतीप्रकिया दरम्यान दिसून आलेला आहे. याचिका करणे हा जरी हक्क असला तरी तत्पूर्वी कायद्यातील तरतुदींची पडताळणी स्वतः अभियोग्यताधारकानी करावी. सध्या सर्व बाबी इंटरनेटवर उपलब्ध आहेत त्याची शहानिशा करूनच पुढील निर्णय घ्यावेत.

Also Read 👇

दिनांक २२/०२/२०२४

शिक्षक पदभरतीबाबत प्रसिद्धीपत्रक

• पवित्र पोर्टलवरील शिक्षक पदभरतीबाबत समाजातील विविध घटकांतून आलेल्या सर्व निवेदनांचा, सूचनांचा सर्वंकष विचार करण्यात आला आहे. योग्य व प्रचलित शासन नियमांशी सुसंगत असणाऱ्या सर्व सूचनांची दखल घेऊन आवश्यक ती कार्यवाही पूर्ण करण्यात आली आहे.

• नियुक्तीसाठी शिफारसपात्र उमेदवारांची सर्वसाधारण गुणवत्ता यादी लवकरच जाहीर करण्यात येणार आहे. शिफारसपात्र उमेदवारांची ज्या व्यवस्थापनाकडे शिफारस करण्यात येईल त्या व्यवस्थापनामार्फत सर्व मूळ कागदपत्रांची/प्रमाणपत्रांची पडताळणी करण्यात येणार आहे. त्यासाठी सर्व नियुक्ती प्राधिकाऱ्यांना सूचना देण्यात येत आहेत.

• स्वप्रमाणपत्रात नमूद केल्यानुसार आवश्यक सर्व मूळ कागदपत्रे / प्रमाणपत्रे पडताळणीसाठी अभियोग्यताधारकांनी, नियुक्ती प्राधिकाऱ्यांना निश्चित मुदतीत उपलब्ध करून द्यावयाची आहेत. ती सर्व कागदपत्रे तातडीने तयार ठेवावीत.

• पडताळणीसाठीच्या आवश्यक कागदपत्रांच्या अधिक माहितीसाठी पवित्र पोर्टलवरील दिनांक १/०९/२०२३ व इतर मार्गदर्शक सूचनांचे अवलोकन करावे.

Also Read 👇

पवित्र पोर्टल शिक्षक भरती-2022

मुलाखतीचे दोन भाग करणे करणे:-

१) मुलाखतीच्या एकूण ३० गुणांचे विभाजन करणे.

२) १५ मार्क - डेमो + १५ मार्क मुलाखत - ३०

४) सुरुवातीला मुलाखत होईल

५) शैक्षणिक कागदपत्रांची तपासणी होईल.

६) मूळ कागदपत्रे तपासणी करावी

७) दोन अँटेस्टेड शैक्षणिक कागदपत्रे घेणे.

८) अनुभव प्रमाणपत्र.

९) स्वतः विषयी, अनुभवाविषयी, वर्तणूक, पेहराव, नम्रता, विषयाच्या संदर्भात प्रश्न विचारणे, सामान्य ज्ञानाचे प्रश्न विचारणे- शैक्षणिक, सामाजिक, आर्थिक, शाळा प्रगतीबाबत काय करू शकतात, उपक्रम, कल्पना, विद्यार्थीसंख्या वाढविण्याबाबत काय करू शकतात, खाजगी शाळा आणि संस्थांच्या शैक्षणिक कामाबाबत

मत विचारणे,

१०) अध्यापनाचा डेमो - १५ मार्क

११) पाठ निरीक्षण करणे

१२) विषयाचे ज्ञान व शैक्षणिक साहित्य वापर

१३) विद्यार्थ्यांना समजून सांगण्याची पद्धती.

१४) तयारी केलेल्या पाठाचे निरीक्षण-संस्था देईल

१५) फलकलेखन व मूल्यमापन

१६) कोणताही घटक अध्यापनासाठी देता येईल.

१७) वर्ग नियंत्रण व हालचाल.

१८) हेतूकथन व विविध कौशल्य

१९) २० मिनिटांचा डेमो घेणे.

२०) पॅनेल मुलाखतीसाठी पॅनेल बनवावे लागेल..

२१) अभियोग्यता चाचणीचे गुण फक्त प्राधान्यक्रमासाठी असतील.

२२) एका जागेसाठी किती उमेदवार असणार : ३

२३) मुलाखत अध्यापन कौशल्य हे एकूण ३० गुणांसाठी आहे.

१५+ १५ = ३०. गुण

A-160

B-159

C-158

२४) कमी मार्काच्या उमेदवाराची निवड केल्यास त्याचे कारण शाळा समितीस लिखित स्वरूपात शासनाला दयावे लागेल.

२५) निवड झालेल्या उमेदवारांची गुणयादी पवित्र पोर्टलवर लावण्यात येईल.

२६) मुलाखतीसाठी - ३ उमेदवार येतील तर वेटींग लिस्टमध्ये ७ उमेदवार असतील.

9:90

२७) निवड केलेल्या उमेदवारास ७ दिवसांत हजर राहावे लागेल.

Also Read 👇

अमृत महोत्सव

कार्यालय-शिक्षणाधिकारी (मा.) 

जिल्हा परिषद, नांदेड. छत्रपती शिवाजी महाराज पुतळ्या जवळ, नांदेड-

Office of the Education Officer (Sec.) Zilha Parishad, Nanded Near Chhatrapati Shivaji Maharaj Statue, Nanded-431602

431602. 1/893 जा.क्र. जिपना/शिअ (मा.) मा-7/2024/

दिनांक- /2024. 1

9 FEB 2024

प्रति,

अध्यक्ष / सचिव, शाळा व्यवस्थापन, मार्फत मुख्याध्यापक, अनुदानित / अंशतः अनुदानित/ विना अनुदानित जिल्हा नांदेड.

विषयः- पवित्र पोर्टलद्वारे शिक्षक पदभरतीकरिता विहित कालावधी जाहिरान नोंद न केलेल्या व्यवस्थापनांकरिता आवश्यक कार्यवाही करणेबाबत.

संदर्भ:- मा. शिक्षण सहसंचालक, (प्रशासन, अंदाज व नियोजन शिक्षण आयुक्तालय, म.रा.पुणे) यांचे पत्र क्र.प्राथ १०६/ उर्व व्यस्था/ पवित्र पोर्टल / २०२४/१००८, दि.०७ फेब्रुवारी २०२४.

उपरोक्त विषयी कळविण्यात येते की, राज्यातील शिक्षक पदभरती करण्यासाठी पवित्र प्रणाली अंतर्गत शिक्षक अभियोग्यता चाचणी-२०२२ नुसार कार्यवाही करण्यात येत आहे. याकरिता दिनांक १६/१२/२०२३ ते २२/०१/२०२४ या कालावधीकरिता पवित्र पोर्टलवर शिक्षकांची रिक्त पदांची जाहिरात देण्याची सुविधा देण्यात आलेली होती. दि.२२/०१/२०२४ पर्यंत पोर्टलवर आरक्षण विषयक माहितीची नोंद केलेल्या व्यवस्थापनांना पहिल्या टप्यातील रिक्त पद भरतीमध्ये सहभागी होता येणार आहे.

तथापि संच मान्यता, बिंदुनामावली / रोस्टर अद्यावत नसल्याने, किंवा अन्य कारणास्तव काही व्यवस्थपनांना सदर विहित कालावधीत पोर्टलवर जाहिरात नोंदविणे शक्य झाले नसल्याचे निदर्शनास आले आहे.

तरी जिल्ह्यातील अशा व्यवस्थपनांना भरतीच्या पुढील प्रक्रीयेमध्ये सहभागी होण्यासाठी आपलेस्तरावरुन आवश्यक ते नियोजन करुन सदर इच्छुक व्यवस्थापनांचे जाहिराती विषयक कार्यवाहीची पुर्व तयारी करण्यात यावी. जिल्ह्यातील संस्थेमध्ये / शाळेमध्ये शिक्षक पदे रिक्त आहेत. सदरील शिक्षक पदे रिक्त राहिल्यास याची सर्वस्वी जबाबदारी आपणांवर राहील.

तसेच सोबत दिलेल्या विहित नमुन्यात आपल्या बिंदुनामावलीची सद्यस्थितीत नमुद करुन या कार्यालयास तात्काळ सादर करावी.

सोबतः-१. रिक्त पदांची तालुकानिहाय शाळांची यादी. २. बिंदुनामावलीची सद्यस्थितीचा विहित नमुना

प्रत माहितीस्तव सविनय सादरः-

शिक्षणाधिकारी (मा.) जिल्हा परिषद, नांदेड

१. मा. आयुक्त (शिक्षण), महाराष्ट्र राज्य, पुणे. २.मा.शिक्षण सहसंचालक, (प्रशासन, अंदाज व नियोजन शिक्षण आयुक्तालय, महाराष्ट्र राज्य, पुणे. ३. मा. शिक्षण उपसंचालक, लातूर विभाग, लातूर.

पवित्र पोर्टलवर जाहिरात प्रसिद्ध करण्यात आली आहे

how to check Maha Teacher Recruitment Vacancy

वरील एकत्रित जाहिराती या लिंकवर क्लिक केल्यानंतर आलेल्या वेब पेज वर Download या tab वर क्लिक करून Approved

Advertisement with Interview Phase1 आणि Approved

Advertisement without Interview Phase । अशा प्रकरचे जाहिरातीचे सदर येईल. त्यावरून डाउनलोड करता येतील

लिंक:-👉  Link 

• पदभरतीबाबत उमेदवारांना पोर्टलवर प्राधान्यक्रम नमूद करण्यासाठी आवश्यक सूचना व User Manual देण्यात आलेले आहे प्राधान्यक्रम जनरेट करून घ्यावेत. त्यानंतर पदनिहाय पसंतीक्रम नमूद करण्याची सुविधा अधिक वाचा 

लिंक:-👉  Link 

दिनांक : २३/०१/२०२४

व्यवस्थापनांसाठी सूचना

स्थानिक स्वराज्य संस्था व खाजगी शैक्षणिक संस्थांमधील शिक्षकांची रिक्त पदे भरण्यासाठी पवित्र पोर्टलवरील जाहिरात विषयक सूचना

१. स्थानिक स्वराज संस्था तसेच खाजगी शैक्षणिक व्यवस्थापनांना त्यांच्या व्यवस्थापनातील शिक्षकांची रिक्त पदे भरण्यासाठी पवित्र पोर्टलवर आरक्षणानुसार विषयनिहाय रिक्त पदे नोंद करून जाहिरात देण्याची सुविधा दिनांक १५/०१/२०२४ पर्यंत देण्यात आली होती. यानंतर जास्तीतजास्त रिक्त पदांचा समावेश जाहिरातीत व्हावा या हेतूने ही मुदत दिनांक २२/०१/२०२४ पर्यंत वाढविण्यात आली होती. व्यवस्थापनांनी पोर्टलवर नोंदणी करून जाहिरातीतील आरक्षणविषयक माहितीची नोंद करण्याची मुदत आता संपुष्टात आली आहे.

२. वरील कालावधीमध्ये पोर्टलवर नोंदणी केलेल्या सर्व व्यवस्थापनांना त्यांच्या जाहिराती पोर्टलवर प्रकाशित करण्याची उर्वरित प्रक्रिया दिनांक २४/०१/२०२४ पर्यंत पूर्ण करता येईल.

३. विभागीय शिक्षण उपसंचालक/ शिक्षणाधिकारी (प्राथमिक/माध्यमिक)/शिक्षण निरीक्षक, बृहन्मुंबई यांनी त्यांच्या कार्यक्षेत्रातील पवित्र पोर्टलवरील प्रलंबित जाहिराती पूर्ण कराव्यात व तपासून दिल्यानंतर संबंधित व्यवस्थापनांनी शासन निर्णय दिनांक ७/२/२०१९ मधील तरतुदींनुसार त्यांच्या कार्यक्षेत्रातील वर्तमानपत्रामध्ये प्रसिद्धीस देण्याची कार्यवाही करावी.

४. विहित मुदतीत पोर्टलवर जाहिराती दिल्यानंतर आलेल्या सर्व जाहिराती पात्र उमेदवारांना एकत्रित पाहण्याची सुविधा दिनांक २९/०१/२०२४ पर्यंत देण्यात येईल.

५. पोर्टलवर प्रसिद्ध झालेल्या जाहिरातीतील अर्हतेनुसार पात्र उमेदवारांना तदनंतर यथाशीघ्र प्राधान्यक्रम उपलब्ध करून दिले जातील. त्याबाबतच्या सूचना स्वतंत्रपणे प्रसिद्ध करण्यात येतील.

६. वर दिलेल्या वेळापत्रकाप्रमाणे कार्यवाही होण्यासाठी आपणास दिलेल्या मुदतीचे पालन करावे.

दिनांक : १४/०१/२०२४

उमेदवारांसाठी सूचना

शिक्षक अभियोग्यता व बुद्धिमत्ता चाचणी-२०२२ नुसार शिक्षक पदभरती करण्यासाठी मा. उच्च न्यायालयाचे आदेशानुसार याचिकेतील उमेदवारांकडून स्व-प्रमाणपत्र पूर्ण करण्याबाबत.

मा. उच्च न्यायालय, खंडपीठ औरंगाबाद येथील याचिका क्र ८५३४/२०२३ व ११७३२/२०२३ मधील आदेश अनुक्रमे दिनांक १४/०९/२०२३ व दिनांक २०/०९/२०२३ व अन्य याचिकातील व मा. उच्च न्यायालय, खंडपीठ नागपूर येथील याचिका क्र ६५३५/२०२३ व इतर तसेच मा. उच्च न्यायालय, मुंबई येथील याचिका क्र १२४२४/२०२३ या याचीकांतील आदेशानुसार उमेदवारांना आवश्यक त्या बाबींची पूर्तता होत असल्याची खात्री संबंधित नोडल अधिकाऱ्यांनी केल्यानंतर न्यायालयाने निश्चित केलेल्या केवळ गैरप्रकारातील महाराष्ट्र शिक्षक पात्रता परीक्षा (TET) उत्तीर्ण असलेल्या उमेदवारांना वगळून अन्य उमेदवारांना स्व-प्रमाणन करण्याबाबत सोय उपलब्ध करून देण्याबाबतचे निर्देश मा. उच्च न्यायालयाने दिले होते.

          मा. उच्च न्यायालयाने दिलेल्या निर्णयानुसार याचीकादारांचे email प्राप्त झाले आहेत. सदर प्राप्त email नुसार आवश्यक ती छाननी करून केंद्रीय शिक्षक पात्रता परीक्षा (CTET) उत्तीर्ण असलेल्या किंवा B.Ed. ही अर्हता असल्याचे नमूद केलेल्या उमेदवारांच्या email वरून प्राप्त माहितीच्या आधारे नोडल अधिकारी म्हणून महाराष्ट्र राज्य परीक्षा परिषद, पुणे यांचे स्तरावर तपासणी करण्यात आली आहे.

शिक्षण आयुक्तालयाकडून शासनास प्रस्ताव सादर करण्यात आला होता, दरम्यानच्या कालावधीत मा. उच्च न्यायालय खंडपीठ औरंगाबाद येथे अवमान याचिका क्रमांक ३१/२०२४ व संलग्न अवमान याचिका दाखल झाल्या आहेत. सदर अवमान याचिकेमध्ये दिनांक १२/०१/२०२४ रोजी सुनावणी झाली त्यानुसार शासन पत्र दिनांक १२/०१/२०२४ अन्वये सदर याचिकेतील उमेदवारांना चारित्र्य पडताळणीच्या अधीन राहून स्व-प्रमाणपत्र नोंदणी करण्यास शासनाने मान्यता दिली आहे.

त्यानुसार केंद्रीय शिक्षक पात्रता परीक्षा (CTET) उत्तीर्ण असलेल्या किंवा B.Ed. ही अर्हता धारण केलेल्या याचिकेतील उमेदवारांना स्व-प्रमाणपत्र नोंदणी करण्यास याद्वारे सुविधा देण्यात येत आहे व तसे उमेदवारांना त्यांनी यापूर्वी माहिती पुरविलेल्या email वर कळविण्यात आलेले आहे.

याचिकेतील उमेदवारांना स्व-प्रमाणपत्राकरिता नोंदणी करणेसाठी दिनांक १६/०१/२०२४ पर्यंत मुदत राहील. पवित्र पोर्टलवर दिलेल्या सूचनांचे पालन करून स्व- प्रमाणपत्र पूर्ण करावे.

दिनांक : ३१/१०/२०२३

उमेदवारांसाठी सूचना

सन २०१९ मधील शिक्षक पद भरतीच्या वेळी अपात्र, गैरहजर, रुजू न होणे इत्यादी कारणास्तव रिक्त जागांसाठी प्राधान्यक्रम लॉक करण्याबाबत.

१. शिक्षक अभियोग्यता व बुद्धिमत्ता चाचणी २०१७ नुसार पवित्र पोर्टलमार्फत यापूर्वी स्थानिक स्वराज्य संस्थातील व मुलाखतीशिवाय पर्याय निवडलेल्या खाजगी शैक्षणिक संस्थांकरिता मुलाखतीशिवाय आणि मुलाखतीसह पदभरतीचा पर्याय निवडलेल्या खाजगी शैक्षणिक संस्थातील मुलाखतीसह पद भरतीसाठीची कार्यवाही करण्यात आलेली आहे.

२. सन २०१९ मधील शिक्षक पदभरतीच्या वेळी अपात्र, गैरहजर, रुजू न झालेल्या तसेच माजी सैनिक उमेदवार उपलब्ध न झाल्यामुळे रिक्त जागांसाठी गुणवत्तेनुसार पात्र उमेदवारामधून शिफारस करण्यासाठी पोर्टलवर रिक्त पदांची माहिती संबंधित जिल्हा परिषद, महानगर पालिका व नगर पालिका यांनी भरलेली आहे.

३. यापूर्वी मुलाखतीसह पदभरतीमध्ये खाजगी शैक्षणिक व्यवस्थापनातील केवळ इ १ ली ते इ ५ वी या गटातील रिक्त पदांसाठी जाहिरात असलेल्या पदांसाठी देखील कार्यवाही करण्यात येत आहे. या व्यवस्थापनांना मुलाखत व अध्यापन कौशल्यासाठी यापूर्वीच्या तरतुदीनुसार १:१० या मर्यादेत (समांतर आरक्षणासह व उमेदवार उपलब्धतेच्या मर्यादेत) उमेदवार उपलब्ध करून देण्यात येत आहेत.

४. मा उच्च न्यायालय खंडपीठ औरंगाबाद येथील याचिका क्रमांक ११०८१/२०१९ विचारात घेऊन त्या त्या समांतर आरक्षणाची शिल्लक पदे ही पात्र उमेदवार यांना उपलब्ध होण्यासाठी माजी सैनिक या समांतर आरक्षणातून उपलब्ध होणारी पदे त्या त्या समांतर आरक्षणात विचारात घेण्यात आलेली आहेत.

५. मा. सर्वोच्च न्यायालयातील विशेष अनुज्ञा क्र. २०७४३/२०२१ व अन्य याचिकेतील आदेश दिनांक ११/०८/२०२३ रोजी दिलेल्या निर्णयानुसार ई १ ली ते ई ५ वी या गटातील रिक्त पदांबाबत कार्यवाही करण्यात येत आहे.

६. अपात्र, गैरहजर, रुजू न होणे इत्यादी कारणास्तव एसईबीसी प्रवर्गातील रिक्त

असलेल्या पदांसाठी ईडब्लूएस / खुला प्रवर्गासाठी विचारात घेण्यात आली आहेत.

प्रिय उमेदवार, पात्र नसलेल्या, गैरहजर असलेल्या आणि सामील न झालेल्या उमेदवारांच्या जागी पवित्र पोर्टलद्वारे शिक्षक भरती फेरी 31/10/2023 पासून सुरू होत आहे. हे फक्त TAIT 2017 च्या उमेदवारांसाठी आहे. इच्छुक उमेदवारांनी 03/11/2023 रोजी किंवा त्यापूर्वी त्यांचे प्राधान्य नोंदणी करणे आवश्यक आहे. अधिक माहितीसाठी  

CLICK HERE 

ला भेट द्या.

 -शिक्षण आणि क्रीडा विभाग

वरील मॅसेज 2017 च्या भरती मधील विद्यार्थ्यांना येत आहेत.

Dear Candidate, The teacher recruitment round through pavitra portal in place of not eligible, absent and not joined candidates is commencing from 31/10/2023. This is only for TAIT 2017 candidates. The interested candidates are required to register their preferences on or before 03/11/2023. For more details visit 

CLICK HERE 

-Sch Edu and Sports dept

महाराष्ट्र शासन शिक्षण संचालनालय 

(माध्यमिक व उच्च माध्यमिक)

Also read 

27 OCT 2023

प्रति,

१. मा. मुख्य कार्यकारी अधिकारी, जिल्हा परिषदा, (सर्व )

२. विभागीय शिक्षण उपसंचालक, विभागीय शिक्षण उपसंचालक कार्यालय (सर्व)

३. शिक्षणाधिकारी (प्राथमिक/ माध्यमिक), जिल्हा परिषदा (सर्व)

४. शिक्षण निरिक्षक, बृहन्मुंबई (पश्चिम / उत्तर/दक्षिण) सर्व

५. प्रशासन अधिकारी / शिक्षणाधिकारी (मनपा) सर्वृ

६. प्रशासन अधिकारी, नगरपालिका/नगरपरिषदा (सर्व)

विषय : शिक्षक पदभरती २०२२ शिक्षक पदभरतीसाठी पवित्र पोर्टलवर जाहिरात देण्याबाबत.

संदर्भ :- १. शासन निर्णय दिनाक ७/२/२०१९, दि. १०/११/२०२२ व दि. १३/१०/२०२३ २. शासन पत्र क्र संकिर्ण-२०२३ / प्रक्र ५०९/टिएनटी-१ दि. १४/०९/२०२३. ३. शिक्षण आयुक्तालयाचे पत्र क्र आस्था क / प्राथ-१०६ / पवित्र सुधारित तरतूदी / २०२३ / ५९८१ दि. २७/०९/२०२३

उपरोक्त संदर्भिय विषयान्वये कळविण्यात येते की, राज्यातील शिक्षकांची रिक्त पदे भरण्यासाठी शासनाने शिक्षक अभियोग्यता व बुध्दिमत्ता चाचणी - २०२२ चे आयोजन दिनांक २२/०२/२०२३ ते दिनांक ०३/०३/२०२३ या कालावधीमध्ये करण्यात आलेले होते, सदर परिक्षेस प्रविष्ठ झालेल्या उमेदवारांकडून पवित्र पोर्टलवर त्यांचे पदभरतीसाठी आवश्यक असणारे स्वप्रमाणपत्र पूर्ण करुन घेण्यात आलेले आहेत.

तदनंतर आता राज्यातील सर्वच स्थानिक स्वराज्य संस्था तसेच खाजगी शैक्षणिक संस्था यांच्यामार्फत चालविल्या जाणाऱ्या शाळांतील रिक्त पदे भरण्यासाठी 

 

CLICK HERE 

या संकेतस्थळावर आरक्षण व विषय नोंद करुन जाहिरात देण्याची सुविधा दिनांक १६/१०/२०२३ पासून देण्यात आलेली आहे.

जाहिरात देण्यासाठी आवश्यक असणारे युजर मॅनुअल व सूचना पोर्टलवर देण्यात आलेल्या आहेत. स्थानिक स्वराज्य संस्थांसह सर्वच व्यवस्थापनाने त्यांच्याकडील शिक्षक प्रवर्गाची बिंदूनामावली सहायक आयुक्त, मावक यांच्याकडून प्रमाणित करुन घेणे अनिवार्य आहे. सन २०२२-२३ च्या संच मान्यतेनुसार विषयनिहाय रिक्त शिक्षक पदांची मागणी पोर्टलवर करण्यात यावी.

पोर्टलवर जाहिराती देण्याची जबाबदारी खाजगी शैक्षणिक व्यवस्थापनाची आहे. खाजगी शैक्षणिक व्यवस्थापनाने दिलेली जाहिरात संबंधित सक्षम प्राधिकारी तपासून पोर्टलवर मान्य (Approve) करतील. खाजगी शैक्षणिक संस्थांतील जाहिरात मान्य (Approve ) करताना मागासवर्ग कक्षाने मंजूर केल्याप्रमाणे भरती वर्षातील आरक्षणाची रिक्त पदे नोंद केल्याची तसेच गट व विषयनिहाय रिक्त पदे यांची नोंद करणे आवश्यक आहे. नोंद केलेल्या विषयाचे शिक्षक अतिरिक्त नसल्याची खात्री करण्याची जबाबदारी संबंधित मान्यता देण्याया सक्षम प्राधिकारी म्हणून शिक्षणाधिकारी प्राथमिक/माध्यमिक व प्रकरणपरत्वे विभागीय शिक्षण उपसंचालक यांची आहे.

व्यवस्थापनाने मान्यतेसाठी पाठविलेल्या प्रारूप जाहिरातीतील विषयाचे शिक्षक अतिरिक्त असल्यास कारण नमूद करुन सदर प्रारूप जाहिरात अमान्य (Reject) करण्याची सुविधा पोर्टलवर उपलब्ध आहे. प्रारुप जाहिरातीमध्ये मागणी केलेल्या विषयाचे शिक्षक अतिरिक्त असल्यास सदर शिक्षकाचे नियमानुसार समायोजन करावे. कोणत्याही परिस्थितीत संबंधित विषयाचा शिक्षक अतिरिक्त असताना सदर विषयास पोर्टलवरील

जाहिरातीस परवानगी देऊ नये. खाजगी शैक्षणिक संस्थांच्या शाळांतील रिक्त पदे भरण्यासाठी संस्था ज्या जिल्हयामध्ये नोंदणी झालेली आहे त्या जिल्ह्याचे संबंधित शिक्षणाधिकारी यांनी पोर्टलवरील जाहिरातीस परवानगी देण्याची कार्यवाही करावी. खाजगी शैक्षणिक संस्थांना पोर्टलवर जाहिरात देण्यासाठी दोन टप्प्यात कार्यवाही करावयाची आहे. १. बिंदूनामावली मान्य (Approve ) करून घेणे २ बिंदूनामावली मान्य (Approve ) झाल्यानंतर गट व विषयनिहाय रिक्त पदांची माहिती मान्य करून घेणे.

संस्थेने बिंदूनामावली पोर्टलवर भरून संबंधित शिक्षणाधिकारी यांचेकडे फॉरवर्ड केल्यानंतर शिक्षणाधिकारी यांचे लॉगीनवर येईल. त्यानंतर शिक्षणाधिकारी पोर्टलवर व्यवस्थापनाने अपलोड केलेली बिंदूनामावलीची प्रत डाऊनलोड करुन प्रमाणित बिंदूनामावलीमध्ये नोंद असलेली पदे तसेच संस्थेने पोर्टलवर नोंद केलेली आरक्षणाची रिक्त पदे व संख्या योग्य असल्याची खात्री करुन पोर्टलवर भरलेली बिंदूनामावलीची माहिती मान्य (Approve ) करतील.

पोर्टलवर बिंदूनामावली मान्य (Approve ) केल्यानंतरच संबंधित व्यवस्थापनास गट व विषयनिहाय रिक्त पदांची माहिती भरता येईल अशी भरलेली माहिती संबंधित शिक्षणाधिकारी यांचे लॉगीनवर उपलब्ध झाल्यानंतर सदर भरलेल्या माहितीमध्ये विषयाचे शिक्षक अतिरिक्त नसल्याची खात्री करुन संबंधित व्यवस्थापनाची विषयनिहाय माहिती मान्य (Approve ) करता येईल. संबंधित विषयांचे शिक्षक अतिरिक्त असल्यास संबंधित व्यवस्थापनाने भरलेली विषयनिहाय रिक्त पदांची माहिती कारणासह संबंधित शिक्षणाधिकारी यांनी अमान्य (Reject ) करावी. अतिरिक्त शिक्षक असल्याने नाकारलेली पदे वगळून संस्था पुन्हा गटव विषयनिहाय रिक्त पदांची माहिती भरून पुन्हा संबंधित शिक्षणाधिकारी यांचेकडे ऑनलाईन पाठवतील. त्यानंतर भरलेली माहिती योग्य असल्यास संबंधित शिक्षणाधिकारी मान्य (Approve) करतील.

आरक्षण व विषयनिहाय रिक्त पदे या दोन्ही प्रकारची माहिती मान्य (Approve ) झाल्यानंतर संबंधित संस्थेच्या लॉगीनवर जाहिरात जनरेट (Generate Advertisement) करण्याची सुविधा आहे. या सुविधेचा वापर करुन व्यवस्थापन जाहिरात जनरेट करु शकतील. संबंधित व्यवस्थापनाची जाहिरात जनरेट झाल्याशिवाय उमेदवारांचे प्राधान्यक्रम संबंधित व्यवस्थापनास येणार नाहीत. त्यामुळे बिंदूनामावली व गट व विषयनिहाय रिक्त पदांची अशी दोन्ही माहिती मान्य (Approve ) झाल्यानंतर जाहिरात जनरेट करणे आवश्यक राहील.

खाजगी शैक्षणिक व्यवस्थापनांना पोर्टलवर पदभरतीकरिता जाहिरात देण्यासाठी मुलाखतीशिवाय पदभरती व मुलाखतीसह पदभरती असे दोन पर्याय आहेत. खाजगी व्यवस्थापन यापैकी कोणताही एक पर्याय निवडू शकतील. तथापि, स्थानिक स्वराज्य संस्थांना मात्र मुलाखतीशिवाय पदभरती हा एकच पर्याय निवडणे बंधनकारक आहे.

आपल्या अधिनस्त स्थानिक स्वराज्य संस्थासह सर्व खाजगी शैक्षणिक व्यवस्थापनांना पवित्र पोर्टलद्वारे शिक्षक पदभरतीसाठी बिंदुनामावली प्रमाणित करण्याच्या तसेच त्यानुसार शिक्षकांच्या रिक्त पदांची जाहिरात देण्याची कार्यवाही करण्याबाबतच्या आवश्यक त्या सूचना आपल्यास्तरावरुन तात्काळ देण्यात याव्यात.

(शरद गोसावी)

शिक्षण संचालक शिक्षण संचालनालय,

(संपत सूर्यवंशी) शिक्षण संचालक शिक्षण संचालनालय

Also read 

दिनांक : १६/१०/२०२३

व्यवस्थापनांसाठी सूचना

स्थानिक स्वराज्य संस्था व खाजगी शैक्षणिक संस्थांमधील रिक्त पदे भरण्यासाठी पवित्र पोर्टलवरील

जाहिरात विषयक सूचना

१. शिक्षक अभियोग्यता व बुद्धिमत्ता चाचणी-२०२२ ही दिनांक २२/०२/२०२३ ते दिनांक ३/३/२०२३ या कालावधीमध्ये ऑनलाईन पद्धतीने घेण्यात आलेली आहे. सदर चाचणीस २,३९,७३० उमेदवारांनी नोंदणी केली होती, त्यापैकी २,१६,४४३ उमेदवार प्रत्यक्ष चाचणीस उपस्थित होते.

या चाचणीस उपस्थित उमेदवारांकडून शिक्षक पदभरतीसाठी आवश्यक असणारी उमेदवारांची स्व-प्रमाणपत्रे पूर्ण करून घेण्यात आलेली आहेत.

२. पोर्टलवर नोंद केलेल्या उमेदवारांमधून पात्र उमेदवारांच्या नियुक्तीच्या शिफारशीसाठी संबंधित व्यवस्थापनाकडून पोर्टलवर आरक्षणनिहाय व विषयनिहाय रिक्त पदांसाठी माध्यमनिहाय जाहिरात देणे आवश्यक आहे.

२. रिक्त पदांच्या जाहिरातीसाठी संबंधित व्यवस्थापनास पोर्टलवर नोंदणी करणे आवश्यक आहे. यासाठी सरल प्रणालीतील user id हा या पोर्टलचा देखील user id असेल. व्यवस्थापनास forgot password यावर क्लिक केल्यानंतर option for reset password मध्ये using onetime password (otp) sent via sms खाली व्यवस्थापनाचा सरल पोर्टल चा user id नोंद करावा व त्यानंतर मोबाईल क्रमांक नोंद करावा व captcha टाकून proceed यावर क्लिक केल्यानंतर मोबाईलवर otp येईल, आलेला otp नोंद करून verify यावर क्लिक करावे त्यानंतर reset password मध्ये new password/confirm new password नमूद करून captcha टाकून change password यावर क्लिक करावे त्यानंतर नव्याने reset केलेला password टाकून लॉगीन करता येईल.

सरल पोर्टलवर नोंद असलेला संपर्काचा मोबाईल क्रमांक विचारात घेण्यात आलेला आहे. पूर्वीचा सरल पोर्टलवरील नोंद असलेला मोबाईल क्रमांक जुळत नसल्याने password reset होत नसल्यास खाजगी व्यवस्थापनाने आपल्याशी संबंधित शिक्षणाधिकारी यांचे कार्यालयात जाऊन त्यांचे लॉगीनवरून मोबाईल क्रमांक बदल करून नव्याने password reset करता येईल.

३. व्यवस्थापनास जाहिरात देण्यापूर्वी त्यांच्या व्यवस्थापनाची बिंदूनामावलीची तपासणी संस्थेच्या मुख्यालयाशी संबंधित विभागाच्या सहायक आयुक्त, (मावक), मा. विभागीय आयुक्त कार्यालय यांचेकडून अद्ययावत प्रमाणित केलेली असणे आवश्यक आहे.

अधिक वाचण्यासाठी व पीडीएफ फोटो डाउनलोड करण्यासाठी क्लिक करा

CLICK HERE For pdf  👇

DOWNLOAD

पवित्र (PAVITRA-Portal For Visible To All Teachers Recruitment) या संगणकीय प्रणालीद्वारे करण्यात येणाऱ्या शिक्षक पद भरतीच्या अनुषंगाने विद्यमान तरतूदी सुधारित करणे/वगळणे व नवीन तरतूदी समाविष्ट करणे.

दि १३ ऑक्टोंबर २०२३

शिक्षक भरती बाबत महत्त्वपूर्ण शासन निर्णय पीडीएफ मध्ये डाऊनलोड करा

CLICK HERE For pdf  👇

DOWNLOAD

TAIT २०१७ नुसार १९६ व्यवस्थापनातील मुलाखती सह पदभरती यादी जाहीर झालेली असून त्यासाठीच्या उमेदवारांसाठी सूचना दिनांक १५/०७/२०२३  या व्यवस्थापनांना मुलाखत व अध्यापन कौशल्यासाठी यापूर्वीच्या तरतुदीनुसार एका जागेकरीता १:१० या मर्यादित (समांतर आरक्षणासह व उमेदवार उपलब्धतेच्या मर्यादित) उमेदवार उपलब्ध करून देण्यात येत आहेत. मुलाखत व अध्यापन कौशल्याबाबतची कार्यवाही व्यवस्थापनांकडून  १८/०७/२०२३ ते ११/०८/२०२३ या कालावधीत करण्यात येईल. १९६ व्यवस्थापनातील ७६३ रिक्त पदासाठी मुलाखत व अध्यापन कौशल्याद्वारे निवड करण्यासाठी पात्र उमेदवारांची यादी जाहीर आज जाहीर करण्यात आली आहे.  • मुलाखतीसह पदभरतीमध्ये SEBC प्रवर्गासाठी जागा असणाऱ्या व्यवस्थापनांपैकी ज्या व्यवस्थापनांकडे जाहिरातीमध्ये खुला (समांतर आरक्षणाशिवाय) प्रवर्गासाठी जागा नाहीत अशा उर्वरित १९६ व्यवस्थापनांसाठी SEBC प्रवर्गासाठीच्या जागा योग्य त्या प्रवर्गामध्ये घेऊन पात्र उमेदवाराकडून नव्याने प्राधान्यक्रम घेण्यात आलेले आहेत. आता या १९६ व्यवस्थापनांसाठी मुलाखतीसह पदभरतीकरीता ७६३ पदांवर निवडीसाठी अध्यापन व कौशल्यासाठी उमेदवारांची शिफारस करण्यात येत आहे. • मुलाखतीसह पद भरतीमध्ये उर्वरित १९६ व्यवस्थापनांतील इयत्ता ६ वी ते इयत्ता १२ वी गटातील रिक्त पदांसाठी कार्यवाही करण्यात येत आहे. • या व्यवस्थापनांना मुलाखत व अध्यापन कौशल्यासाठी यापूर्वीच्या तरतुदीनुसार एका जागेकरीता १:१० या मर्यादेत (समांतर आरक्षणासह व उमेदवार उपलब्धतेच्या मर्यादेत) उमेदवार उपलब्ध करून देण्यात येत आहेत. त्यासाठी ७६३ पदांवर निवडीसाठी एकूण ५५३५ प्राधान्यक्रमावर उमेदवार शिफारस झाली आहे.  • मुलाखत व अध्यापन कौशल्यबाबतची कार्यवाही संबंधित व्यवस्थापनांकडून दिनांक १८/०७/२०२३ ते दिनांक ११/०८/२०२३ या कालावधीत करण्यात येईल. • उमेदवारांच्या मुलाखत व अध्यापन कौशल्यासाठी एकूण ३० गुण असतील, उमेदवारांची अंतीम निवड या ३० गुणाच्या आधारे व्यवस्थापनाकडून  मुलाखतीसाठी शिफारस केलेला गट,विषय व आरक्षण विचारात घेऊन निवड केली जाईल. • मुलाखत व अध्यापन कौशल्यातून निवड होऊन शाळेत रुजू झालेल्या  उमेदवारांना शालार्थ प्रणालीमार्फत वेतन सुरु होईल. सूरज मांढरे भाप्रसे  शिक्षण आयुक्त  महाराष्ट्र

१९६ व्यवस्थापनातील ७६३ रिक्त पदासाठी मुलाखत व अध्यापन कौशल्याद्वारे निवड करण्यासाठी पात्र उमेदवारांची यादी जाहीर आज जाहीर करण्यात आली आहे. CLICK HERE For pdf  👇 DOWNLOAD

पवित्र प्रणाली अंतर्गत करण्यासाठी संगणकीय प्रणाली (software) कामकाज विकसित करणाऱ्या संस्थेस ५०% रक्कम अदा करण्यास मान्यता देण्याबाबत.

महाराष्ट्र शासन शालेय शिक्षण व क्रीडा विभाग

शासन निर्णय क्रमांक: ईगव्ह ०२२३/प्र.क्र.०४ / संगणक

मादाम कामा रोड, हुतात्मा राजगुरु चौक,

विस्तार इमारत, मंत्रालय, मुंबई ४०० ०३२ दिनांक:- ३० मार्च, २०२३.

Shikshk Bharti Pavitra Portal 

वाचा :-

१. शालेय शिक्षण व क्रीडा विभाग, शासन निर्णय क्र. संकीर्ण २०१८ / प्र.क्र. ३९७/ टीएनटी-१, दि.०७ फेब्रुवारी, २०१९

२. दि.४ फेब्रुवारी, २०२२ रोजीच्या प्रकल्प अमलबजावणी समितीची बैठक,

३. आयुक्त (शिक्षण), महाराष्ट्र राज्य, पुणे यांचे पत्र क्र. आशिका / २०२२/ई-गव्ह./पवित्र/१४३/००७१६, दि. २५ जानेवारी, २०२३

प्रस्तावना :-

संदर्भ क्र.१ अन्वये "पवित्र प्रणाली व्दारे राज्यातील सर्व व्यवस्थापनांच्या शाळांमधील शिक्षक निवडीसाठी पारदर्शक पध्दती निश्चित करण्यात आली आहे. सदर प्रणाली NIC, पुणे यांचेकडून विकसित करण्यात आली आहे. तथापि, काही कारणास्तव NIC, पुणे यांचेकडून पवित्र प्रणालीचे काम काढून घेण्यात आले आहे.

Shikshk Bharti Pavitra Portal 

    संदर्भ क्र.२ अनुसार दि.४.०२.२०२२ रोजीच्या प्रकल्प अंमलबजावणी समितीच्या बैठकीमध्ये पवित्र प्रणालीतील उर्वरित कामे तातडीने पूर्ण करण्याबाबत आयुक्त, शिक्षण यांना निर्देश देण्यात आले. त्यानुसार "पवित्र प्रणाली" अंतर्गत कामकाज करण्यासाठी संगणकिय प्रणाली (Software) विकसित करण्याकरिता पात्र व अनुभवी सॉफ्टवेअर डेक्टलमेंट कंपनीची शासन तरतूदीनुसार निवड करण्याची कार्यवाही शिक्षण संचालनालयाच्या स्तरावरून करण्यात आली. या अनुषंगाने संचालनालय स्तरावरून मे.तलिस्मा कॉर्पोरशन प्रा.लि. बेंगलुरु या संस्थेची निवड करण्यात आली आहे.

    आयुक्त (शिक्षण) महाराष्ट्र राज्य, पुणे यांनी संदर्भ क्र.३ येथील पत्रान्वये प्रस्तुत कंपनीला देय असलेली रक्कम वितरीत करण्याबाबतचा प्रस्ताव सादर केला आहे. त्याअनुषंगाने पवित्र प्रणाली अंतर्गत कामकाज करण्यासाठी संगणकिय प्रणाली (Software) विकसित करून घेण्याकरिता येणाऱ्या खर्चाची रक्कम वितरीत करण्याची बाब शासनाच्या विचाराधीन होती. 

शासन निर्णय:-

Shikshk Bharti Pavitra Portal 

    पवित्र प्रणाली अंतर्गत कामकाज करण्यासाठी संगणकिय प्रणाली (Software) विकसित करुन घेण्याकरिता येणाऱ्या खर्चास याव्दारे मान्यता देण्यात येत आहे. तसेच त्यासाठी येणाऱ्या एकुण खर्चापैकी ५० टक्के म्हणजेच रु.४,९९,७३०/- (चार लाख नव्यानव हजार सातशे तीस ) एवढ्या खर्चास व सदर रक्कम में तलिस्मा कॉर्पोरेशन पा. लि. बेंगलुरु यांना अदा करण्यास याव्दारे मान्यता देण्यात येत आहे.

२. सदरचा खर्च मागणी क्रमांक. ई-२. २२०२ सर्वसाधारण शिक्षण, ८० पंचवार्षिक योजनांतर्गत योजना (०२) (५१) ई-गव्हर्नन्स कार्यक्रम २२०२४५४) ३१ सहायक अनुदाने या लेखाशिर्षातून सन २०२२-२३ च्या उपलब्ध तरतुदीमधुन भागविण्यात यावा. सहायक संचालक (लेखा) माध्यमिक व उच्च माध्यमिक शिक्षण संचालनालय, महाराष्ट्र राज्य, पुणे यांनी सदर निधी कोषागारातून आहरीत करुन संबंधितांना वितरीत करण्याची कार्यवाही करावी,

3. हा शासन निर्णय वित्तीय अधिकार नियमपुस्तिका २०१५ दिनांक १७ एप्रिल २०१५ मधील उपविभाग २ मधील अनुक्रमांक २० अ मधील नियम क्र. ७६ अन्वये विभागास प्रदान करण्यात आलेल्या वित्त विभागाच्या अनौपचारिक संदर्भ क्र. ४०५/व्यय-५, दिनांक २८.०३. २०२३ अन्वये  प्राप्त मान्यतेनुसार निर्गमित करण्यात येत आहे. सदर शासन निर्णयया संकेतस्थळावर उपलब्ध करण्यात आला PDF डाऊनलोड करण्यासाठी येथे टिचकी मारा  CLICK HERE 👇  

पवित्र पोर्टल संदर्भात महत्वपूर्ण शासन निर्णय डाऊनलोड करण्यासाठी👉  CLICK HERE  येथे टिचकी मारा

महाराष्ट्राचे राज्यपाल यांच्या आदेशानुसार व नावाने

(विवेक सपकाळ)

कार्यासन अधिकारी, महाराष्ट्र शासन

शिक्षक भरती संदर्भात व पवित्र पोर्टलचे अपडेट प्राप्त करण्यासाठी आपल्यासाठी तयार करण्यात आलेल्या समूहात सामील होऊ शकता

Shikshk Bharti Talisma Corporation NIC Pavitra Portal Pavitra Pranali TAIT MSCE IBPS Teacher Recruitment Software

• Tweet
• Share
• Share
• Share
• Share

Related Post