ज्ञानज्योती सावित्रीबाई फुले आधार योजना
Gyanjyoti Savitribai Phule Aadhaar Scheme information
इतर मागास वर्ग, विमुक्त जाती व भटक्या जमाती, आणि विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी "ज्ञानज्योती सावित्रीबाई फुले आधार योजना लागू करणेबाबत.
Regarding the implementation of "Gyanjyoti Savitribai Phule Aadhaar Scheme" for students pursuing higher education from Other Backward Classes, Vimukta Jati and Nomadic Tribes, and Special Backward Classes.
महाराष्ट्र शासन
इतर मागास बहुजन कल्याण विभाग, शासन निर्णय क्रमांक: वयो-२०२२/प्र.क्र. ११/योजना-५ हुतात्मा राजगुरु चौक, मादाम कामा मार्ग, मुंबई- ४०००३२.
वाचा :-
दिनांक : १३ डिसेंबर, २०२३
१. इमाव, सावशैमाप्र, विजाभज आणि विमाप्र कल्याण विभाग, शासन निर्णय क्रमांक : इमाव-२०१६/प्र.क्र.५८ / विजाभज-१, दिनांक ३०/१/२०१९
२. आदिवासी विकास विभाग, शासन निर्णय क्रमांक आवगृ-२०१६/प्र.क्र.८७/का- १२. दिनांक २७/११/२०१८.
३. सामाजिक न्याय व विशेष सहाय्य विभाग शासन निर्णय क्रमांक बीसीएच-२०१६ प्र.क्र.२९३/ शिक्षण-२, दिनांक ०६/०१/२०१७.
४. सामाजिक न्याय व विशेष सहाय्य विभाग शासन निर्णय क्रमांक बीसीएच- २०१८/प्र.क्र.३१९/शिक्षण-२, दिनांक २१/१२/२०१८
५. इतर मागासवर्ग, सामाजिक व शैक्षणिक मागास प्रवर्ग विमुक्त जाती भटक्या जमाती, विशेष मागास प्रवर्ग कल्याण विभाग शासन निर्णय क्र. धवगृ- २०१९/प्र.क्र.१२६/मावक, दि.०६/०९/२०१९
६. सामाजिक न्याय व विशेष सहाय्य विभाग शासन निर्णय क्रमांक सान्यावि- २०२३/प्र.क्र.६०(४)/बांधकामे, दि. ३०/१०/२०२३
७. सामाजिक न्याय व विशेष सहाय्य विभाग यांचे पत्र क्रमांक सान्यावि- २०२३/प्र.क्र.६६/ बांधकामे, दि.०८/१२/२०२३
प्रस्तावना -
वसतिगृहात प्रवेश न मिळालेल्या विद्यार्थ्यांना वार्षिक खर्चासाठी अनुदान देण्याबाबत राबविण्यात येणाऱ्या आदिवासी विकास विभागाच्या पंडित दीनदयाल उपाध्याय स्वयंम व सामाजिक न्याय विभागाच्या डॉ. बाबासाहेब आंबेडकर स्वाधार योजनाच्या धर्तीवर इतर मागास वर्ग, विमुक्त जाती, भटक्या जमाती व विशेष मागास प्रवर्ग या प्रवर्गातील विद्यार्थ्यांकरीता योजना सुरु करण्यास मा मंत्रिमंडळाने दि.१९.१०.२०२३ रोजीच्या मंत्रीमंडळ बैठकीत मान्यता दिली आहे.
त्यानुसार, सदर बैठकीत विविध विभागांमार्फत देण्यात येणाऱ्या शिष्यवृत्ती, अधिछात्रवृत्ती, वसतिगृह व वसतिगृहात प्रवेश न मिळालेल्या विद्यार्थ्यांना देण्यात येणारा निर्वाह भत्ता, स्वाधार, स्वयंम अशा विविध प्रकारच्या योजनांमध्ये तसेच यापुढे प्रस्तावित करण्यात येणाऱ्या योजनांमध्ये एकसमानता रहावी यासाठी सर्वकष धोरण निश्चित करण्याबाबत संदर्भाधिन क्र.६ अन्वये शासन निर्णय निर्गमित करण्यात आला आहे.
सदर शासन निर्णयान्वये मा. अ.मु.स. (वित्त) यांच्या अध्यक्षतेखाली दि.०१.१२.२०२३ रोजी आयोजित बैठकीत झालेल्या निर्णयानुसार इतर मागास वर्ग, विमुक्त जाती व भटक्या जमाती (इतर मागास बहुजन कल्याण विभागाकडून भटक्या जमाती-क प्रवर्गातील धनगर समाजाच्या विद्यार्थ्यांकरीता निर्वाह भत्याची पंडित दीनदयाल उपाध्याय स्वयंम योजना कार्यान्वित असल्यामुळे सदर योजनेचा लाभ घेत असलेले
/घेणारे भटक्या जमाती-क प्रवर्गातील धनगर समाजाचे विद्यार्थी वगळून), आणि विशेष मागास प्रवर्गातील
उच्च शिक्षण घेणाऱ्या विद्यार्थ्यांसाठी योजना लागू करणेबाबत शासन निर्णय निर्गमित करण्याची बाब
शासनाच्या विचाराधीन होती.
शासन निर्णय -:
आदिवासी विकास विभागाची स्वयंम योजना व सामाजिक न्याय व विशेष सहाय्य विभागाची स्वाधार योजनेच्या धर्तीवर इतर मागास वर्ग, विमुक्त जाती व भटक्या जमाती (इतर मागास बहुजन कल्याण विभागाकडून भटक्या जमाती क प्रवर्गातील धनगर समाजाच्या विद्यार्थ्यांकरीता निर्वाह भत्याची पंडित दीनदयाल उपाध्याय स्वयंम योजना कार्यान्वित असल्यामुळे सदर योजनेचा लाभ घेत असलेले / घेणारे भटक्या जमाती - क प्रवर्गातील धनगर समाजाचे विद्यार्थी वगळून) आणि विशेष मागास प्रवर्गातील उच्च शिक्षण घेणाऱ्या विद्यार्थ्यांना प्रति जिल्हा ६०० या प्रमाणे एकूण २१,६०० विद्यार्थ्यांकरिता “ज्ञानज्योती सावित्रीबाई फुले आधार योजना" राबविण्यास मान्यता देण्यात येत आहे.
०२. सदर योजनेंतर्गत भोजन, निवास व इतर शैक्षणिक सुविधा स्वत: उपलब्ध करुन घेण्यासाठी खालीलप्रमाणे निश्चित केल्यानुसार विद्यार्थ्यांच्या आधार क्रमांक संलग्न असलेल्या बँक खात्यात थेट रक्कम वितरीत करण्यात यावी.
खर्चाची बाब
मुंबई शहर, मुंबई उपनगर, नवी मुंबई, ठाणे, पुणे, पिंपरी- चिंचवड, नागपूर या ठिकाणी उच्च शिक्षण घेणाऱ्या विद्यार्थ्यांसाठी अनुज्ञेय रक्कम
भोजन भत्ता ३२,०००
निवास भत्ता २०,०००
निर्वाह भत्ता ८,०००
प्रती विद्यार्थी एकूण संभाव्य वार्षिक खर्च ६०,०००
इतर महसुली विभागीय इतर शहरातील व उर्वरित क वर्ग महानगरपालिका क्षेत्रामध्ये उच्च शिक्षण घेणाऱ्या विद्यार्थ्यांसाठी अनुज्ञेय रक्कम
भोजन भत्ता २८,०००
निवास भत्ता १५,०००
निर्वाह भत्ता ८,०००
प्रती विद्यार्थी एकूण संभाव्य वार्षिक खर्च ५१,०००
जिल्ह्याचे ठिकाणी उच्च शिक्षण घेणाऱ्या विद्यार्थ्यांसाठी अनुज्ञेय रक्कम
भोजन भत्ता २५,०००
निवास भत्ता १२,०००
निर्वाह भत्ता ६,०००
प्रती विद्यार्थी एकूण संभाव्य वार्षिक खर्च ४३,०००
तालुक्याच्या ठिकाणी उच्च शिक्षण घेणाऱ्या विद्यार्थ्यांसाठी अनुज्ञेय रक्कम
भोजन भत्ता २३,०००
निवास भत्ता १०,०००
निर्वाह भत्ता ५,०००
प्रती विद्यार्थी एकूण संभाव्य वार्षिक खर्च ३८,०००
Please do not enter any spam link in the comment box. ConversionConversion EmoticonEmoticon