Gram Panchayat Public Facilities Special Grant
Grampanchayat Jan Suvidha Vishesh Anudan
grampanchayatila jana suvidhansathi vishesh anudan" ya jilha varshik yojanentargat grampanchayat antargat kamanchi vyapti vadhavanebabat
Regarding expanding the scope of works under Gram Panchayat under the District Annual Plan "Special Grant for Public Amenities to Gram Panchayat"
"ग्रामपंचायतीला जन सुविधांसाठी विशेष अनुदान" या जिल्हा वार्षिक योजनेंतर्गत ग्रामपंचायत अंतर्गत कामांची व्याप्ती वाढवणेबाबत.
महाराष्ट्र शासन ग्राम विकास विभाग
शासन निर्णय क्रमांकः विकास-२०२६/प्र.क्र.१४९ (संगणक क्र. १७५६३०५)/यो-६
बांधकाम भवन, २५ मर्झबान पथ, फोर्ट, मंत्रालय, मुंबई - ४००००१ दिनांकः २९ सप्टेंबर, २०२६
वाचा:-
१) ग्रा.वि.व.ज.सं.वि., शासन निर्णय क्र. ददभू-२०१०/प्र.क्र.६२/पंरा-६, दि.१६.९.२०१०.
२) ग्रा.वि.व.ज.सं.वि., शासन निर्णय क्र. ग्रापंई-२०१३/प्र.क्र.१८९/पंरा-७, दि.३०.१.२०१४
३) ग्रा.वि.व.ज.सं.वि., दि.०३.०१.२०१७शासन शुध्दिपत्रक क्र. जनसु-२०१६/प्र.क्र.२१०/यो-०६,
४) ग्रा.वि.वि., शासन निर्णय क्र. जनसु-२०१७/प्र.क्र.१११/यो-०६, दि.२५.०१.२०१८
५) ग्रा.वि.वि., शासन निर्णय क्र. विकास-२०२६/प्र.क्र.१४९/यो-०६, दि.२०.०७.२०२६
प्रस्तावना:-
जिल्हा वार्षिक योजनेंतर्गत "ग्रामपंचायतीला जन सुविधांसाठी विशेष अनुदान" याबाबत दि.१६.९.२०१० रोजीच्या शासन निर्णयान्वये मार्गदर्शक सुचना दिलेल्या आहेत. तसेच, संदर्भाधीन क्र.४ व ५ येथील शासन निर्णयान्वये जनसुविधा योजनेतंर्गत कामांची व्याप्ती वाढविण्यात आली असून सदर कामांना खर्चाची मर्यादा लागू करण्यात आली आहे. सदर योजनेंतर्गत कामांची व्याप्ती वाढविण्याची मागणी होत असल्याने काही नवीन कामांचा समावेश करण्याची बाब शासनाच्या विचाराधीन होती.
शासन निर्णय:-
"ग्रामपंचायतीला जन सुविधांसाठी विशेष अनुदान" या जिल्हास्तरीय योजनेंतर्गत संदर्भाधीन क्र.४ येथील शासन निर्णयामधील कामांमध्ये अ.क्र.१ (फ) नुसार खालील नवीन कामांचा समावेश करण्यास मान्यता देण्यात येत आहे.
अ.क्र.
कामे
खर्चाची मर्यादा (रक्कम रु. लक्ष)
१(फ)
जनसुविधा योजनेतंर्गत कामांची व्याप्ती वाढविणे :-
१) जि.प. शाळा / अंगणवाडी केंद्र नविन इमारत बांधकाम /वर्ग खोली बांधकाम करणे ₹ २०.००
२) जि.प. शाळा / अंगणवाडी केंद्र जुन्या इमारत दुरुस्ती व रंगरंगोटी करणे ₹ ०५.००
३) जि.प. शाळा / अंगणवाडी केंद्रांकरिता शौचालय बांधकाम / दुरुस्ती करणे ₹ ०३.००
४) जि.प. शाळा / अंगणवाडी केंद्रावर सोलर बसविणे व जि.प. शाळा / अंगणवाडी केंद्र इमारत विद्युतीकरण करणे ₹ ०५.००
५) जि.प. शाळा / अंगणवाडी केंद्रांच्या सुरक्षेच्या दृष्टीकोनातून संरक्षण भिंत बांधकाम करणे ₹ ०५.००
६) जि.प. शाळा / अंगणवाडी केंद्रांना विद्यार्थ्यांच्या सुरक्षेच्या दृष्टीकोनातून व्हिडिओ निगराणी यंत्रणा (CCTV)/अग्नीशमन यंत्र स्थापित करणे ₹ ०३.००
२. उपरोक्त कामे ही अन्य कुठल्याही योजनेत/विभागाकडून प्रस्तावित नसल्याची खात्री करुन घ्यावी. तसेच कामांची द्विरुक्ती होणार नाही याची दक्षता कामे प्रस्तावित करतांना घ्यावी
३. सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२६०९२९१६३३२६५९२० असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.
महाराष्ट्राचे राज्यपाल यांच्या आदेशानुसार व नावाने.
उप सचिव, महाराष्ट्र शासन
Please do not enter any spam link in the comment box. ConversionConversion EmoticonEmoticon